Turcyja naniesła ŭdary pa celach na poŭnačy Siryi i Iraka
VPS Turcyi nanieśli ŭdary pa celach na poŭnačy Siryi i Iraka. Napiaredadni, 23 kastryčnika, u Ankary adbyŭsia terakt.
24.10.2024 / 08:10
Tureckija vajskoŭcy praviali pavietranyja apieracyi suprać terarystyčnych celaŭ na poŭnačy Iraka i Siryi. Usiaho było «paśpiachova źniščana» 32 celi, paviedamlaje Minabarony Turcyi.
Tureckija vajskoŭcy padkreślili, što apieracyja była praviedziena «ŭ adpaviednaści z našymi pravami na samaabaronu, jakija vyciakajuć z artykuła 51 Statuta AAN».
«Padčas hetych apieracyj byli pryniaty ŭsie miery zaściarohi, kab praduchilić škodu biaźvinnym hramadzianskim asobam, histaryčnym i kulturnym kaštoŭnaściam i navakolnamu asiarodździu», — havorycca ŭ paviedamleńni.
Napiaredadni ŭ Ankary kala budynka avijakaśmičnaj kampanii — vytvorcy vajennych samalotaŭ i kaśmičnaha abstalavańnia — prahrymieŭ vybuch, zatym była pierastrełka. Byli zabity dvoje terarystaŭ. Achviarami teraktu stali piać čałaviek, jašče 22 paciarpieli. Ułady Turcyi miarkujuć, što terakt učynili členy Rabočaj partyi Kurdystana.