Čatyry čałavieki zahinuli, 14 paciarpieli ŭ vyniku teraktu ŭ Ankary na zavodzie kampanii Tusaş. Dva terarysty likvidavanyja. Spačatku kiraŭnik MUS Turcyi Ali Jerlikaja paviedamlaŭ pra troch zahinułych, ale prezident Turcyi Redžep Taip Erdahan na samicie BRIKS u Kazani skazaŭ užo pra čatyroch.
Pry hetym ułady Turcyi zabaranili publikavać nieaficyjnyja źviestki pra terakt:
«Ustanoŭlena, što našy ŚMI, akramia zajaŭ aficyjnych orhanaŭ, publikujuć niepaćvierdžanuju infarmacyju i vyjavy, asabliva z sacyjalnych sietak. Vielmi važna, kab publikacyi, jakija prapahandujuć teraryzm, byli nieadkładna spynienyja», — zajavili jany.
Viadoma, što ŭ napadzie ŭdzielničali jak minimum dvoje — mužčyna i žančyna, apranutyja ŭ čornuju formu, u ich byli aŭtamaty i pistalety, a za plačyma abjomnyja zaplečniki.
Turecki telekanał NTV pieradaje, što napadniki padjechali da budynka Tusaş na zvyčajnym taksi. Dastaŭšy zbroju, jany pasprabavali ŭvajści ŭ budynak, ale byli spynienyja achovaj, paśla čaho adbyŭsia vybuch.
Pačatak napadu trapiŭ na kamieru videanazirańnia. Napad, jak paviedamlaje telekanał A Haber, adbyŭsia padčas pieraźmienki achovy. Paśla nibyta častka terarystaŭ zmahła trapić na terytoryju pradpryjemstva i zachapić zakładnikaŭ, ale aficyjna heta nie paćviardžajecca.
Na terytoryi pradpryjemstva Tusaş pracujuć supracoŭniki tureckich śpiecpadraździaleńniaŭ, u niebie zaŭvažanyja vyviedvalnyja BPŁA. U sacsietkach taksama źjaviłasia fota ryštunku adnaho z zahinułych terarystaŭ, na im možna ŭbačyć hranaty i dadatkovyja mahaziny.
Terakt užo asudziŭ hienieralny sakratar NATA Mark Rute.
«Naviny pra zahinułych i paranienych z Ankary vyklikajuć hłybokuju zaniepakojenaść. NATA padtrymlivaje našaha sajuźnika Turcyju. My rašuča asudžajem usie formy teraryzmu i ŭvažliva sočym za raźvićciom padziej», — zajaviŭ jon.
Tusaş — bujnoje akcyjaniernaje tavarystva. Kampanija raspracoŭvaje i vypuskaje samaloty, viertaloty, bieśpiłotnyja latalnyja aparaty i kaśmičnyja spadarožniki jak hramadzianskaha, tak i vajskovaha pryznačeńnia.
Łukašenka zajaviŭ, što siam‘ja moža bačycca z Kaleśnikavaj i što jana ničym nie adroźnivajecca ad «miljona» inšych palitviaźniaŭ12
Łukašenka zajaviŭ, što siam‘ja moža bačycca z Kaleśnikavaj i što jana ničym nie adroźnivajecca ad «miljona» inšych palitviaźniaŭ
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki3838
Kamientary
Vykazvańnia Erdohana ŭ bok Izraila i hety vypadak nahadali staryja ščylnyja stasunki Izraila z kurdami Siryi irakskaha Kurdystana Naŭprost tureckich kurdaŭ sabie ni dazvalali ..krynicy adkrytyja