У лукашэнкаўскім Моладзевым парламенце новы кіраўнік. Прапагандыста Рачылоўскага рашылі замяніць
Кіраўніком Моладзевай рады пры Нацыянальным сходзе стала Аліна Рацькова.
28.10.2024 / 14:36
Аліна Рацькова. Фота тут і далей: яе інстаграм
22-гадовая Аліна родам з Віцебска. Скончыла факультэт міжнародных адносін БДУ па спецыяльнасці «міжнародная эканоміка». Яна магістрантка ў Акадэміі кіравання пры Лукашэнку.
Працуе вядучым спецыялістам упраўлення даследаванняў і стратэгічнага развіцця Нацыянальнага банка Рэспублікі Беларусь.
Рацькова анансавала, што ўключыцца ў выбарчую кампанію.
«І зусім хутка мы анансуем новы праект у кірунку падтрымкі дзейнага прэзідэнта нашай краіны Аляксандра Рыгоравіча Лукашэнкі», — сказала яна.
Папярэднім кіраўніком быў выпускнік Беларускага дзяржаўнага педагагічнага ўніверсітэта Мікіта Рачылоўскі. Ён абяцаў памерці за Лукашэнку і заклікаў разабрацца з фуд-блогерам Какабаем.
«Памерці за Лукашэнку». Хто такі Мікіта Рачылоўскі, новы твар прапаганды