U Kitai pačali budavać pieršy ŭ śviecie zavod latučych aŭtamabilaŭ
Daččynaja kampanija kitajskaha aŭtavytvorcy XPeng upieršyniu pradstaviła aŭtamabil u 2021 hodzie. Jaho nazvali «Suchaputny avijanosiec». U vieraśni hetaha hoda jon ździejśniŭ svoj pieršy palot.
28.10.2024 / 16:22
Fota: XPeng
Mašyna ŭjaŭlaje saboj davoli vialiki trochvosievy elektramabil, jaki addalena nahadvaje sumieś minivena ź pikapam. Jon pieravozić u śpiecyjalnym adsieku kampaktny pasažyrski aparat z funkcyjaj viertykalnaha ŭźlotu i pasadki. To-bok pa sutnaści heta kołavy aŭtamabil, jaki vozić minijaciurny viertalocik.
Novy zavod budzie znachodzicca ŭ horadzie Huančžoŭ, administracyjnym centry pravincyi Huandun. Tam płanujuć vypuskać da 10 tysiač takich aŭtamabilaŭ za hod, paviedamlaje ahienctva «Sińchua».
Papiarednija prodažy mašyny pačnucca ŭžo ŭ kancy 2024 hoda. Kampanija zajaviła, što sabrała bolš za tysiaču pieradzamoŭ na svoj aŭtamabil z asobnym latajučym modulem. Jaho mierkavany košt — 280 tysiač dołaraŭ.
U Biełaruś źbirajecca zajści kitajski servis zakazu taksi
Iłan Mask prezientavaŭ taksi-bieśpiłotnik — biez rula i piedalaŭ
Byvaj, Jeŭropa! Biełarusy kančatkova pierasadžvajucca na kitajskija aŭto