CVK zarehistravaŭ inicyjatyŭnyja hrupy Hajdukieviča, Chižniaka i Čamadanavaj
CVK siońnia razhladaje zajaŭki na rehistracyju inicyjatyŭnych hrup pa zbory podpisaŭ dla vyłučeńnia ŭ prezidenty.
31.10.2024 / 15:09
CVK zarehistravaŭ inicyjatyŭnyja hrupy kiraŭnika Libieralna-demakratyčnaj partyi Aleha Hajdukieviča, staršyni Partyju pracy i spraviadlivaści Alaksandra Chižniaka, a taksama hałoŭnaha ideołaha Minska, pradstaŭnika Biełaruskaha sajuza žančyn Volhi Čamadanavaj.
Taksama siońnia zajavy na rehistracyju padali Hanna Kanapackaja, Siarhiej Bobrykaŭ i Dzijana Kavalova, ale siońnia ich zajaŭki nie byli razhledžanyja, ich razhledziać u paniadziełak.
U aŭtorak CVK zarehistravaŭ inicyjatyŭnuju hrupu Alaksandra Łukašenki, admoviŭ hrupam Alaksandra Drazdova i Juryja Hubareviča.
Zaŭtra — apošni dzień padačy dakumientaŭ na rehistracyju inicyjatyŭnych hrup, zbor podpisaŭ startuje 7 listapada. Vybary — 26 studzienia 2025 hoda.
Kanapackaja padała dakumienty na rehistracyju inicyjatyŭnaj hrupy
U prezidenty sabraŭsia hienierał-major zapasu
Dakumienty ŭ CVK padała Dzijana Kavalova