U «Zialonaj havani» stvaryli chatku dla biazdomnych sabak i prapanujuć usim achvotnym skarystacca čarciažami
Budku dla sabak vyrabili ź niepatrebnych materyjałaŭ, jakija zastalisia ad budaŭnictva žyłych damoŭ. Jana pieradadzienaja ŭ prytułak «Fartuna», raskazali ŭ «A-100 Deviełapmient».
01.11.2024 / 20:25
Takuju ž samuju budku možna sabrać i samastojna — pastavić na svaim padvorku abo pieradać u prytułak dla biazdomnych žyvioł. Čarciažy znachodziacca ŭ adkrytym dostupie.
«Ideja stvareńnia takoj chatki ŭźnikła padčas pracy punkta pa pryjomie niepatrebnych materyjałaŭ paśla ramontu. My paličyli, što važna nie prosta pieradać ich u prytułak «Fartuna», ale i pakazać, jak z taho, što mahło apynucca na śmietniku, stvaryć kamfort dla biazdomnych žyvioł. I zrabić heta pryhoža, bo stylnaj moža być i budka dla sabak.
Pieršuju chatku sabrali my sami, ale naš vopyt moža paŭtaryć kožny. Dla hetaha my dzielimsia čarciažami i dazvalajem vykarystoŭvać ich usim nieabyjakavym ludziam. Razam my možam zrabić bolš.
Važna i toje, što kancepcyja «Zialonaj havani» zasnavanaja na maksimalnym zachavańni lesu pry zabudovie, a paŭtornaje vykarystańnie reštkaŭ draŭlanych materyjałaŭ hetamu sadziejničaje», — adznačaje hałoŭnaja architektarka prajekta «Zialonaja havań» Maryja Aviłava.
U «Zialonaj havani» ŭ pačatku kastryčnika źbirali liški budaŭničych materyjałaŭ, jakija zastalisia paśla ramontu. Na miescy taksama možna było nabyć korm i inšyja tavary. Usie jany byli pieradadzienyja ŭ prytułak «Fartuna».
Ci nie stanie Novaja Baravaja spalnikam i ci płanuje jaje zabudoŭščyk iści ŭ rehijony?
«Žyć na pryrodzie, ale z kamfortam horada». «A-100» prezientavała novy kvartał pad Minskam
U Breście haspadary pryviazali sabaku da dreva i kinuli pamirać
U Žodzinie šalony biazdomny kot pakusaŭ svojskaha sabaku
Pamiatajecie sabaku, jaki zalez na piramidu Chieopsa? Ciapier jon pryvioŭ tudy siabroŭ