U Minsku ŭzialisia znosić park «Drymłend» VIDEA
U Minsku prystupili da znosu parku «Drymłend». Videa hetaha pracesu źjavilisia ŭ sacsietkach.
20.11.2024 / 22:36
Skrynšot ź videa
Niekali papularny park atrakcyjonaŭ z akvaparkam pad adkrytym niebam užo nie pieršy hod zakryty.
Paśla bankructva ŭładalnika park pierajšoŭ horadu i na jahonaj terytoryi vyrašyli pabudavać Park narodnaha adzinstva.
Płošču ŭ 16,2 ha płanujuć całkam rekanstrujavać. Centralnaj častkaj novaha parku stanie łandšaftnaja kampazicyja «Biełaruś», jakaja paŭtaraje kontury krainy. Unutry źjaviacca rečyščy hałoŭnych rek u vyhladzie suchich ručajoŭ, napoŭnienych žviram. U miescach umoŭnaha znachodžańnia kožnaj z abłaściej płanujuć raźmiaścić makiety minijaciur budynkaŭ i słavutaściaŭ.
Taksama terytoryju abstalujuć elektronnymi tabło, dzie možna budzie pračytać cikavyja fakty pra roznyja harady Biełarusi. U parku źjaviacca dziciačaja i valejbolnaja placoŭka, zony adpačynku z altankami.
Biez atrakcyjonaŭ i akvaparku. Jak budzie vyhladać były «Drymłend»
Na miescy «Drymłenda» źjavicca novy park. Nazva ździŭleńnia nie vyklikaje
Likvidujecca minski zabaŭlalny park «Drymłend», ułaśnik «straciŭ cikavaść da prajekta»