На падтрымку Васіля Верамейчыка меней чым за суткі сабралі палову сумы
Яўгенія Верамейчык, жонка былога байца Палка Каліноўскага Васіля Верамейчыка, якога днямі затрымалі ў В'етнаме і неадкладна перадалі ў рукі лукашэнкаўскіх сілавікоў, адкрыла ўчора на платформе «Байсол» збор для патрэбаў зняволенага мужа.
22.11.2024 / 14:03
Сродкі збіраюцца для юрыдычнай дапамогі Васілю Верамейчыку, а таксама на перадачы для яго.
Сума збору: 8000 еўра.
- З іх €2000 маюць пайсці на аплату паслуг адваката ў В'етнаме, які павінен падрыхтаваць і перадаць сваякам усе паперы, звязаныя з затрыманнем і выдачай Верамейчыка.
- €3000 — сродкі на адваката ў Беларусі, які цяпер шукаецца.
- €3000 — сродкі на перадачы.
Па стане на 14:00 пятніцу ўжо сабрана палова ад сумы 4177 еўра з 8000 еўра
Падтрымаць арыштаванага ваяра можна па спасылцы.
Жонка Верамейчыка: Паспеў напісаць дачцэ адно слова — дэпартацыя
У Вільні пройдзе акцыя ў падтрымку Васіля Верамейчыка