Stała viadoma, dzie ciapier pracuje były načalnik navapołackaj kałonii
22.11.2024 / 16:58
Pra novaje miesca pracy byłoha načalnika Navapołackaj kałonii № 1 Andreja Palčyka daviedalisia pravaabaroncy z Mayday Team.
Andrej Palčyk. Fota: «Minsk-Naviny»
Na hety momant Andrej Siarhiejevič Palčyk zajmaje pasadu načalnika aryštnaha doma ŭ Viciebsku, adnačasova źjaŭlajučysia namieśnikam načalnika ŭstanovy «Śledčy izalatar №2».
Z 2017-ha pa sakavik 2023 hoda Andrej Palčyk pracavaŭ na pasadzie načalnika papraŭčaj kałonii №1 u Navapołacku i staŭ viadomy žorstkimi ździekami, pra jakija raskazali pravaabaroncam i ŚMI byłyja palitviaźni. U kałonii pieryjadyčna pamirali asudžanyja, a padnačaleny Palčyku supracoŭnik pa proźviščy Piatroŭ navat byŭ asudžany za źbićcio źniavolenaha.
Kali Andrej Palčyk byŭ zvolnieny, u ŚMI źjaviłasia infarmacyja, što jaho nakirujuć pracavać z panižeńniem na pasadu načalnika kałonii-pasialeńnia. Ale hetaja infarmacyja nie paćvierdziłasia.
Čytajcie taksama:
Načalnik navapołackaj kałonii vyjšaŭ na pracu ŭ vychodny, kab sarvać Babaryku pieradaču
Bandarenka, Palčyk, Karnijenka. Chto trapiŭ u sankcyjny śpis Kanady
Palčyk suprać Palčyka. Nastaŭnika fizkultury asudzili za «abraźlivy» kamientar
Načalnik navapołackaj kałonii, dzie mučać Ihara Łosika, ros ź im u adnym domie ŭ Baranavičach
Mianiajuć kiraŭnika navapołackaj kałonii, dzie siadziać Babaryka i Łosik