У расійскім Ніжнім Тагіле настаўнікам падарылі сертыфікаты на надмагіллі
27.11.2024 / 17:1
Прафсаюз лічыць, што гэта добры падарунак.
Фота: Ural Mash
У расійскім Ніжнім Тагіле настаўнікі атрымалі ад прафсаюза незвычайны падарунак: сертыфікат на 5 тысяч расійскіх рублёў (47 даляраў) на надмагілле.
У прафсаюзе заявілі, што гэта добры падарунак і дапамога. Маўляў, калі хтосьці са сваякоў памрэ, то сертыфікат спатрэбіцца, піша Ural Mash.
Прафсаюзныя функцыянеры заўважылі, што гэта даніна павагі настаўнікам, а таксама нагадалі, што даюць педагогам і іншыя зніжкі: напрыклад, на пуцёўкі ў санаторый.
Пры гэтым настаўнікаў падобны падарунак збянтэжыў: яны лічаць, што да Новага года можна было прыдумаць што-небудзь лепшае за зніжкі на ўсталяванне помніка.
Чытайце таксама:
У Расіі сабака ўжо чацвёрты дзень чакае на рацэ гаспадара, які праваліўся пад лёд
У смерці дзяўчыны, якую ў Расіі нібыта загрызлі свінні, насамрэч падазраецца чалавек