«Try-piać razoŭ pierakulilisia»: Alaksandr Saładucha z synam trapiŭ u žudasnaje DTZ — FOTY
Alaksandr Saładucha-małodšy apublikavaŭ u sacsietkach fota pierakulenaha čyrvonaha Renault Sandero, pobač ź jakim valajecca bukiet u ružova-zialonaj abhortcy.
06.12.2024 / 23:24
Tut i dalej fota ź instahrama Alaksandra Saładuchi-małodšaha
Syn Saładuchi ŭdakładniŭ, što zastaŭsia žyvy, choć mašyna pierakuliłasia 3-5 razoŭ. Jak stała viadoma «Našaj Nivie», avaryja adbyłasia kala Oršy, a pryčynaj taho, što aŭto vylecieła z trasy, stała ślizkaja daroha. Sam Alaksandr Saładucha-starejšy taksama znachodziŭsia ŭ hetaj mašynie.
Adznačym, što mienavita ŭ Oršy 6-7 śniežnia prachodzić «Marafon adzinstva» — ahitacyjnaja kampanija ŭ padtrymku dyktatury Alaksandra Łukašenki pad vyhladam zabaŭlalnych mierapryjemstvaŭ, jakuju pravodzić niaviestka Łukašenki Hanna za hrošy ź dziaržaŭnaha biudžetu.
Alaksandr Saładucha-małodšy — adzin sa starejšych synoŭ zasłužanaha artysta Biełarusi (u pieršym šlubie ŭ Saładuchi-starejšaha naradzilisia bliźniaty, adnaho ź jakich nazvali ŭ honar taty). Pieryjadyčna abodva Alaksandry śpiavajuć razam.
Darečy, zusim niadaŭna Alaksandr Saładucha-małodšy druhi raz ažaniŭsia. Ad pieršaha šlubu ŭ jaho jość dačka. Toj samy čyrvony Renault Sandero Saładucha-starejšy padaryŭ synu ŭ 2020 hodzie z nahody naradžeńnia dziciaci.
23 listapada Alaksandr Saładucha-małodšy ažaniŭsia druhi raz
Dla Łukašenki zapisali pieśniu «Nado!» ź Dzim Dzimyčam, Saładucham i Jarmolenkam
Kola Łukašenka hastraluje pa krainie
Saładucha nazvaŭ svoj samy vialiki hanarar za 40-hadovuju karjeru. Jon uražvaje