s13ru i «Piśmo.bieł» pryznali ekstremisckimi farmavańniami
9.12.2024 / 16:53
Pa zajavach KDB niadaŭna byli pryznanyja «ekstremisckimi farmavańniami» prajekty «Horodskoj ohorod Maris Mar», «s13ru» i «Piśmo.bieł». U rašeńni viedamstva paznačanyja listapadaŭskija daty, ale ŭ adpaviednym śpisie jany źjavilisia tolki siońnia.
Da vyšejzhadanych prajektaŭ, pavodle KDB, dačynieńnie majuć Jana Caruk, Maryja Bataljonak, Anastasija Marozava («Horodskoj ohorod Maris Mar»), Siarhiej Čaboćka, Raman Aleška (s13ru), Alaksandr Mazur, Siarhiej Antusievič, Pavieł Krasoŭski, Pavieł Karaniuchin, Alaksandr Łykšyn (piśmo.bieł).
Viadoma, što prynamsi adnaho čałavieka sa zhadanych u hetym śpisie, Siarhieju Čaboćku, za apošnija paŭtara miesiaca try razy sudzili pa administracyjnych spravach, jon trojčy zapar byŭ asudžany na 15 sutak aryštu. Siońnia stała viadoma, što na volu jon tak i nie vyjšaŭ.
Taksama stała viadoma, što 3 śniežnia KDB pryznaŭ «ekstremisckim farmavańniem» mabilny dadatak «Biełaruś ID». Pavodle viedamstva, dačynieńnie da «Biełaruś ID» majuć Pavieł Libier i Michaił Anańjin.
Z dapamohaj hetaha dadatku sioleta prachodziła vieryfikacyja ludziej na vybarach u Kaardynacyjnuju radu.