Ajcišniku, asudžanamu za «zdradu dziaržavie», chočuć uzmacnić pakarańnie
Termin palitviazień Alaksiej Navahrodski adbyvaje ŭ babrujskaj kałonii № 2. Ale 18 śniežnia adbudziecca sud pa zamienie Alaksieju režyma ŭtrymańnia. Rašeńniem sudździ Andreja Litvina palitviaźnia chočuć pieravieści ŭ turmu, piša «Viasna».
16.12.2024 / 16:37
Alaksiej Navahrodski
Alaksieja Navahrodskaha zatrymali prykładna naprykancy 2022 hoda. Viadoma, što palitviazień niekalki hadoŭ žyŭ u Polšy, a potym u Niamieččynie. U 2019-m i 2021-m mužčyna pisaŭ pra siabie, što žyvie ŭ Hiermanii, zajmajecca štučnym intelektam i pracuje ŭ niamieckaj kampanii EDEKA GmbH/WITRON. Jahonyja asnoŭnyja miesiendžary byli pryviazanyja da niamieckaha numara, a paštovaja skrynia znachodziłasia na niamieckim damienie.
Sud nad Alaksiejem adbyŭsia ŭ śniežni 2023 hoda. Jaho abvinavacili pavodle art. 356 (zdrada dziaržavie) i asudzili da pazbaŭleńnia voli. Kankretny prysud pravaabaroncam pakul nieviadomy.
Pryznali palitviaźniami jašče 15 čałaviek
Palitviaźnia Akichiru Hajeŭskaha-Chanadu pieraviali na turemny režym