Za hod kolkaść elektramabilaŭ u Biełarusi ŭzrasła bolš čym udvaja
Namieśnik ministra enierhietyki Dzianis Maroz 19 śniežnia zajaviŭ na pres-kanfierencyi ŭ BiełTA, što za hod kolkaść elektramabilaŭ u Biełarusi mocna pavialičyłasia.
19.12.2024 / 20:00
Zdymak ilustracyjny. Fota: freepik.com
«Kali da kanca minułaha hoda hetaja ličba nabližałasia da 10 tysiač štuk, to na hety momant pa vynikach 11 miesiacaŭ kolkaść elektramabilaŭ u krainie bolš za 21 tysiaču. I ekśpierty prahnazujuć, što da kanca hoda hetaja ličba moža nablizicca da 24 tysiač», — adznačyŭ čynoŭnik.
Pavodle jaho słoŭ, pavieličeńnie kolkaści elektramabilaŭ stvaraje peŭny rynak zbytu elektraenierhii ŭnutry krainy.
«I my ŭ hety momant nazirajem taksama bolš čym dvuchrazovy rost spažyvańnia elektryčnaj enierhii na zapraŭku elektramabilaŭ», — dadaŭ Maroz.
Namieśnik ministra paabiacaŭ, što sietkavaja struktura dla zadavalnieńnia hetych patrebaŭ budzie raźvivacca. U Biełarusi vyrablajucca elektrazaradnyja stancyi, stvarajucca apieratary pa raźvićci elektrazaradnaj infrastruktury. Na siońnia ŭ Biełarusi ŭžo jość 1200 zaradnych stancyj.
Jašče adzin suśvietny aŭtavytvorca nazvaŭ pamyłkaj staŭku na elektramabili
Akademija navuk: My možam sprajektavać elektraruchavik nie horšy čym «Tesła», ale heta biessensoŭna
Jak baraćba za ekałohiju i sankcyi pryviali jeŭrapiejski aŭtapram da kryzisu
U Biełarusi pastaviać bolš za 30 supierchutkich zaradak dla elektramabilaŭ