Z novaha hoda pa-novamu buduć puskać u Tajłand
Z 1 studzienia 2025 hoda ŭ pasolstvach i hienieralnych konsulstvach Tajłanda va ŭsim śviecie zapracuje sistema elektronnych vizaŭ. Hetyja źmieny zakranuć i biełarusaŭ.
20.12.2024 / 19:47
Zdymak ilustracyjny. Fota: freepik.com
«Pasolstva Karaleŭstva Tajłand ŭ Maskvie abjaŭlaje pra zaviaršeńnie praktyki padačy dakumientaŭ na vizu pa dziejnaj sistemie i zapusku sistemy elektronnaj vizy ŭ Tajłand (e-visa) z afłajn-mietadam apłaty», — paviedamili ŭ pasolstvie Tajłanda ŭ Maskvie, jakoje absłuhoŭvaje i hramadzian Biełarusi.
Pasolstva budzie prymać zajavy na atrymańnie vizy luboha typu da 24 śniežnia 2024 hoda. Afarmleńnie ž elektronnych viz zapuściać z 7:00 (pa minskim časie) 1 studzienia 2025 hoda.
Padać zajavu na atrymańnie elektronnych viz mohuć hramadzianie, jakija pražyvajuć u Biełarusi, Rasii, Uźbiekistanie, Armienii, Małdovie. Heta možna budzie zrabić praz partał thaievisa.go.th, termin razhladu zajavy — 14 pracoŭnych dzion.
Mahčymaść atrymać vizu pa prylocie ŭ Tajłand taksama zachavajecca, ale tolki dla tych, chto płanuje znachodžańnie nie bolš za 15 dzion.
Što viadoma pra stan biełaruski, jakaja zvaliłasia z čaćviortaha paviercha na Pchukiecie
Kim akazaŭsia toj biełarus, što ŭ adnych trusach napaŭ na palicejskich na Pchukiecie i raskidaŭ ich
Pjany biełarus u adnych trusach napaŭ na palicejskich na Pchukiecie i raskidaŭ ich VIDEA
Biełaruska ŭpała z čaćviortaha paviercha hatela ŭ Tajłandzie i atrymała ciažkija traŭmy