Pašynian admoviŭsia ad udziełu ŭ samicie SND. Kaža, u jaho kavid
Premjer-ministr Armienii Nikoł Pašynian zajaviŭ, što nie voźmie ŭdziełu u niefarmalnym samicie SND, jaki projdzie siońnia ŭ Pieciarburhu, praz stanoŭčy test na karanavirus. Rašeńnie ab prysutnaści na samicie JEAES pakul nie pryniata, piša RIA «Naviny».
25.12.2024 / 09:13
Nikoł Pašynian. Fota: Contributor / Getty Images
U fejsbuku Pašynian paviedamiŭ, što ŭ minuły paniadziełak atrymaŭ stanoŭčy vynik testu na kavid. Dva dni premjer, pavodle jaho słoŭ, pravioŭ u samaizalacyi ŭ svajoj rezidencyi, a ŭ sieradu, atrymaŭšy admoŭny vynik, viarnuŭsia da zvyčajnaha pracoŭnaha hrafiku.
«Paśla kansultacyj z kalehami ja nie budu ŭdzielničać u niefarmalnym samicie lidaraŭ krain SND, jaki projdzie siońnia ŭ Sankt-Pieciarburhu», — dadaŭ Pašynian.
Premjer-ministr Armienii paabiacaŭ da kanca dnia pryniać rašeńnie adnosna ŭdziełu ŭ pasiadžeńni Vyšejšaha ekanamičnaha savieta JEAES, jakoje pavinna adbycca ŭ čaćvier.
Pašynian: Armienija bolš nie vierniecca ŭ ADKB
Łukašenka panarakaŭ, što Armienii niama na samicie ADKB
Pašynian prapanavaŭ admovicca ad nazvy «armianski kańjak»
Pašynian: ADKB stvaraje pahrozy dla biaśpieki Armienii
Armienija pačynaje pieramovy ź ES ab libieralizacyi vizavaha režymu