Armienija ŭžo hod ihnaruje samity ADKB i abiacaje vyjści z arhanizacyi.
Alaksandr Łukašenka ŭ svaim vystupleńni na pasiadžeńni Savieta kalektyŭnaj biaśpieki ADKB zaŭvažyŭ i prakamientavaŭ adsutnaść na mierapryjemstvie armianskaha boku.
«Siońnia mnie vypaŭ honar vystupać pieršym, pakolki našy armianskija kalehi nie ŭdzielničajuć u pasiadžeńni.
Heta, darečy, charaktaryzuje biahučuju hieapalityčnuju situacyju ŭ rehijonie i ŭ niejkaj stupieni našu arhanizacyju», — skazaŭ Łukašenka.
Sprava ŭ tym, što zvyčajna lidary ADKB na samicie vystupajuć u ałfavitnym paradku, zychodziačy ź pieršych litar u nazvach krain. Takim čynam, kali b na samicie byŭ pradstaŭnik Armienii, jon vystupaŭ by pieršym.
Ale Armienija ŭžo hod ihnaruje samity ADKB i abiacaje vyjści z arhanizacyi. Kraina zamaroziła ŭdzieł u rabocie ADKB.
U vieraśni Pašynian zajaviŭ, što ADKB stvaraje pahrozy dla biaśpieki Armienii, dla jaje dalejšaha isnavańnia, suvierenitetu i dziaržaŭnaści.
Kamientary