Brazilski jazyk, arhiencinskija krevietki i biełaruskija ahurki. Jakija ceny ŭ pieradnavahodnim Minsku?
Vydańnie «Salidarnaść» pahladzieła na pieradnavahodnija ceny ŭ kramach Minska. U pryvatnaści, na tyja pradukty, jakija možna padać da śviatočnaha stała. Šmat dzie ciapier jość akcyi i źnižki.
26.12.2024 / 23:37
Sietka kramaŭ «Susiedzi»
Jazyk zamarožany jałavičny, ale nie biełaruski, a z Brazilii, prapanujecca pa canie 29,99 rubloŭ za kiłahram.
U prodažy jość zamarožanyja arhiencinskija krevietki na vahu — 39,99 za kh. Padobnaha pamieru krevietki paŭnočnyja, kitajskaj vytvorčaści, abyducca tańniej (21,99 rubloŭ). Krama paznačaje ceńnik na hety pradukt stykieram «pramyja pastaŭki».
Zamarožanyja tuški kačaniat u kramie jość biełaruskija (8,99 rubloŭ za kiłahram) i rasijskija (13,99 rubloŭ), abodva pradukty na źnižcy.
Sietka kram Green
Brescki miasakambinat sioleta staŭ pieramožcam premii «Narodnaja marka» pa vynikach spažyvieckaha hałasavańnia ŭ niekalkich naminacyjach, a taksama ŭhanaravany śpiecuznaharodaj «Narodnaje pryznańnie». Pavodle nazirańniaŭ «Salidarnaści», jahonyja pradukty sapraŭdy cikaviać minčukoŭ.
Adzin ź lidaraŭ prodažaŭ — kaŭbasa syravialenaja «Ad babuli», košt 28,39 rubloŭ za kiłahram. U prodažy taksama jość sierviełat «Vienski» (16,96 rub. za kiło), sierviełat «Finski salami» (19,81 za kh), kaŭbasa «Brescki pačastunak» (27,13) i inšyja pradukty.
Z ekzotyki ŭ Green — ananasy z Kosta-Ryki pa canie 12,99 rubloŭ za kiłahram, avakada — 26,99 za kh, manha z Brazilii — 11.99 rub. za kiło.
Darečy, u sietkach Green i «Susiedzi» mandaryny Klemiancin ź Italii vystaŭlenyja koštam 8,99, a voś sietka «Hipa» ładzić dla hetych mandarynaŭ «čornyja piatnicy», možna aščadzić ceły rubiel: cana na rasprodažach — 7,99 rubloŭ za kiłahram.
U «Hipa» jość ekzatyčnyja dla hetaj pary hoda dyni z Brazilii: žoŭtaja — 11,36 rubla za kiłahram, hatunak Bało — 18,37 za kh.
U chitach prodažaŭ — cukierki «Staličnyja» ad minskaj «Kamunarki».
U «Hipa» taksama prachodzić akcyja «Na rodnyja tavary navahodniaja źnižka», treba źviartać uvahu na tavary sa stykieram «Supiercana».
Pamidory ŭ kramach u asnoŭnym impartnyja: ceny ad 12 rubloŭ i vyšej. Doŭhija ahurki ź biełaruskich ciapličnych kambinataŭ — pa 7,72 rubla za kiłahram.
Kolki ŭ Biełarusi kaštujuć tabi — modny abutak, jaki šmat u kaho asacyjujecca z kapytami
Sała pa 35 rubloŭ, šmat sadaviny i navahodnich tavaraŭ. Jakija ceny na Kamaroŭcy pierad śviatami?
Kolki biełarusam treba dla kamfortnaha žyćcia?
U kramy zavoziać śviežuju čyrvonuju ikru — niekatoryja ceny šakujuć