Амаль у чатыры разы павялічылі расцэнкі на паслугі аэрапортаў
Шматразовае павышэнне расцэнак на паслугі аэрапортаў і аэранавігацыі прадугледжана пастановай Міністэрства антыманапольнага рэгулявання і гандлю, апублікаванай на Нацыянальным прававым партале.
28.12.2024 / 19:35
Фота ілюстрацыйнае
Апошні раз тарыфы на паслугі аэрапортаў у краіне павялічвалі ў траўні 2023 года. Тады яны сталі большымі ў 2,5 разы. Па такіх расцэнках выстаўляюць рахункі авіякампаніям і прыватным асобам, якія лётаюць на бізнэс-джэтах.
У плату ўваходзяць у тым ліку паслугі авіядыспетчараў і наземнага абслугоўвання самалётаў. Цяпер цана многіх з гэтых паслуг стане большай.
Напрыклад, забеспячэнне авіяцыйнымі паліўна-змазачнымі матэрыяламі падаражэла з 52 да 203,87 рубля за тону. Аэранавігацыйнае абслугоўванне ў паветранай прасторы — з 44,4 да 172,15 рубля за 100 кіламетраў.
Выраслі ў цане і некаторыя паслугі для пасажыраў. Кошт карыстання аэравакзалам для іх павялічыўся з 4,08 да 16,2 рубля на чалавека. А абслугоўванне пасажыра, які адлятае — з 10,8 да 42,53 рубля.
Новыя тарыфы ўступяць у сілу з 1 студзеня 2025 года.
Анансаваны трэці авіямаршрут у Кітай
Самалёт «Белавія» вярнуўся ў Мінск з-за праблем з рухавіком
Авіякампанія, з якой хацелі зрабіць лаўкост-канкурэнта «Белавія», прадае адразу 5 сваіх самалётаў
«Белавія» патлумачыла, чаму ўчора яе самалёт не даляцеў да Калінінграда