Авіякампанія, з якой хацелі зрабіць лаўкост-канкурэнта «Белавія», прадае адразу 5 сваіх самалётаў
На аўкцыённай пляцоўцы Інстытута нерухомасці і ацэнкі GosTorg выставілі на таргі адразу пяць самалётаў. Яны належаць ААТ «Авіякампанія Гродна», заўважыла Blizko.by.
Авіякампанія лічыцца цывільнай, але пасажырскіх перавозак яна ніколі не выконвала і не выконвае. Хоць у дзяржавы былі планы па вывадзе яе на сур'ёзную арбіту.
Яшчэ ў 2014 годзе на базе гэтай авіякампаніі збіраліся стварыць буйнога гульца, які будзе канкураваць з «Белавія». У планах была купля 10 штук «суперджэтаў» і старт рэгулярных рэйсаў у 2016—м. Пры гэтым за ўвесь 2013 год авіякампанія атрымала чыстага прыбытку ў памеры ўсяго 1,5 тысячы даляраў, а ў 2018-м у яе было ўжо чыстых страт 36 тысяч даляраў.
Да ідэі вярнуліся ў 2020 годзе замахнуўшыся ўжо на лаўкост. Тагачасны міністр транспарту і камунікацый Аляксей Аўраменка ў ліпені таго года заяўляў:
«Мы задумаліся пра стварэнне другой беларускай кампаніі, больш бюджэтнай. Для развіцця канкурэнцыі і перавозак пасажыраў. Скажам, у першую чаргу гродзенскі кірунак разглядаем, аэрапорт Гродна, «Авіякампанія Гродна». Таму ў найбліжэйшы час будзем прымаць рашэнне па развіцці гэтага віду перавозак».
Але ні лаўкоста, ні ўвогуле якой-небудзь пасажырскай авіякампаніі з рэгулярнымі рэйсамі зрабіць у беларускай улады не атрымалася, а пасля 2021 года стала больш актуальным выжыванне хоць бы «Белавія».
Цяпер на таргі выстаўлена адразу пяць самалётаў «Авіякампаніі Гродна» з рэгістрацыйнымі знакамі EW-62618, EW-84727, EW-43952, EW-07428, EW-33583. Усе пяць — біпланы Ан-2, таксама названыя «кукурузнікамі», выпушчаныя з 1973 па 1988 гады. Усе ўкамплектаваныя рухавікамі і шрубамі.
Усе лоты знаходзяцца на тэрыторыі Гродзенскага аэрапорта. Цэны на самалёты ўстаноўленыя ў памеры ад 69 360 да 83 760 рублёў. Крок аўкцыёну складае 5% ад пачатковай сумы. Акрамя таго, пераможца павінен выплаць ўзнагароджанне аператару таргоў у памеры ад 6% да 8% ад выніковай цаны лота (у розных лотаў стаўка розная).
Такім чынам, лот з самым нізкім пачатковым цэннікам абыйдзецца пакупніку мінімум у 78 654 рубля, а з самым высокім стартавым цэннікам — у 93 225 рублёў. Усе пяць самалётаў пацягнуць на суму мінімум 440 647 рублёў, або прыкладна 123 534 даляры. Таксама за дадатковую суму (стартавая цана 47 760 рублёў) можна купіць яшчэ адзін рухавік АШ-62ІР.
Таргі па кожным лоце асобна адбудуцца 30 снежня 2024 года з 9:00.
«У мэтах эканоміі самалёты абслугоўвалі самі». Што вядома пра авіякампанію «Гродна», чый самалёт разбіўся ў Расіі?
Расійскі тыктокер, які раздражняў беларусаў, паляцеў з Мінска. Шчаслівы, бо змог паскандаліць у аэрапорце з «Белавія»
«Белавія» патлумачыла, чаму ўчора яе самалёт не даляцеў да Калінінграда
Беларуская прапаганда пабаялася паказаць, што Верамейчыка вывозілі самалётамі «Белавія» і «Аэрафлота»
Чаму ў «Белавія» мала распродажаў і ці апраўдаў сябе рэйс у Індыю
Быў «танкалёт», а цяпер з'явіўся «Дынамалёт»: борт «Белавія» будзе лятаць у ліўрэі хакейнага «Дынама»
Апошні канадскі самалёт «Белавія» ніхто не купіў — цану зменшылі
62‑гадовая бізнэсвумэн і мільянерка Ірына Цярэшчанка падзялілася гісторыяй свайго кахання з мужчынам, на 20 гадоў малодшым за яе6
Каментары