U Čyli palicyja znajšła skradzienyja ŭ Łos-Andželesie hadzińniki Kijanu Ryŭza
U kancy 2023 hoda źnikłyja naručnyja hadzińniki, jakija naležali akcioru Kijanu Ryŭzu, znajšli ŭ Čyli, paviedamlaje CNN.
30.12.2024 / 07:34
Kijanu Ryŭz. Fota: instahram jaho fanataŭ
Akramia taho, palicyja vyjaviła jašče dźvie pary hadzińnikaŭ akciora.
Rolex Submariner, koštam $9 tys., z vyhraviravanym imieniem akciora i nadpisam «2021, JW4, dziakuj, piaciorka Džona Uika» znajšli ŭ subotu na ŭschodzie Santjaha padčas apieracyi, źviazanaj z rasśledavańniem sieryi rabavańniaŭ.
Hetyja hadzińniki akcior padaryŭ kaskadzioram, ź jakimi pracavaŭ nad filmam «Džon Uik: častka 4». Miarkujecca, što ich skrali z doma Ryŭza ŭ Łos-Andželesie.
Rabavańnie doma akciora adbyłosia ŭ pačatku śniežnia 2023 hoda. Pry prahladzie videa z kamier nazirańnia supracoŭniki palicyi zaŭvažyli niekalki mužčyn u bałakłavach. Na zapisie vidać, jak jany raźbivajuć akno i takim čynam pranikajuć u dom. Palicyja aryštavała 21-hadovaha mužčynu.
Akcior Kijanu Ryŭz debiutavaŭ u prafiesijnych aŭtahonkach — jon vylecieŭ z trasy