Akcior Kijanu Ryŭz debiutavaŭ u prafiesijnych aŭtahonkach — jon vylacieŭ z trasy
60-hadovaja halivudskaja zorka Kijanu Ryŭz debiutavaŭ u prafiesijnych aŭtahonkach u subotu, 5 kastryčnika, na znakamitym aŭtadromie «Indyjanapalis Mator Śpidvej» u ramkach čempijanatu Toyota GR. Aŭtamabil, za styrnom jakoha znachodziŭsia akcior, vylecieŭ za miežy trasy, piša sport-express.ru.
Na 45-j chvilinie honki Ryŭz razhubiŭsia pry vychadzie z pavarotu i apynuŭsia na travie. Abyšłosia biez traŭmaŭ, jon paśpieŭ svoječasova zatarmazić. Kijanu viarnuŭsia na trasu i praciahnuŭ udzieł u honcy.
Ale i na hetym jaho niaŭdačy nie skončylisia — na 14-m pavarocie pieršaha kruha akcioru ŭdałosia paźbiehnuć sutyknieńnia ź inšaj mašynaj.
U vyniku zorka franšyzy «Matryca» zaniaŭ 25-je miesca siarod 35 udzielnikaŭ. U niadzielu, 6 kastryčnika, adbudziecca druhi zajezd.
Honačny kambiniezon akciora byŭ afarbavany ŭ čyrvony i čorny kolery, a sam Ryŭz kiravaŭ aŭtamabilem №92 BRZRKR, na jakim była raźmieščana rekłama jaho hrafičnaha ramana «Kniha inšaha miesca» (the Book of Elsewhere). Hety ekšen-tvor pra supierhieroja Kijanu napisaŭ u suaŭtarstvie z brytanskim fantastam Čajnaj Tomam Mjevilam. Pa joj užo stvarajecca kinaadaptacyja.
U Ryŭza ŭžo jość dośvied udziełu ŭ aŭtahonkach. U 2009 hodzie Kijanu vyjhraŭ honku siarod znakamitaściaŭ, jakaja prachodziła ŭ Łonh-Bič u Kalifornii. Ryŭz časty hość na roznych etapach «Formuły-1».
Akramia taho, u halivudskaj zorki vialikaja kalekcyja sportkaraŭ i bajkaŭ, a taksama ŭłasnaja firma ARCH Motorcycle, jakaja zajmajecca vytvorčaściu matacykłaŭ pa indyvidualnaj zamovie.
Kamientary