Prapahandysty znoŭ pachvalilisia razhromlenaj łaŭkaj Klintana ŭ Kurapatach
U hadavinu vizitu Biła Klintana ŭ Minsk praŭładny kanał pakazaŭ, jak vyhladaje znakamitaja łaŭka ciapier.
15.01.2025 / 18:40
Miemaryjalnuju łaŭku ŭ Kurapatach pastavili ŭ 1994 hodzie z nahody vizitu prezidenta ZŠA Biła Klintana ŭ Minsk. Vierchniaja jaje častka była vyrablena z kamienia, na jakim byŭ vybity nadpis «Ad narodu Złučanych Štataŭ Ameryki narodu Biełarusi dziela pamiaci».
Łaŭku niekalki razoŭ raźbivali vandały. Apošni raz zdaryŭsia ŭ 2019 hodzie, paśla čaho viernchniuju častku ŭžo nie adnaŭlali. Ciapier ad jaje zastalisia niekalki kavałačkaŭ, jakija lažać na ziamli pobač z łaŭkaj.
Z nahody hadaviny vizitu Klintana adzin z praŭładnych kanałaŭ apublikavaŭ, jak śćviardžajecca, niadaŭnija fatahrafii z Kurapataŭ. Łaŭka ŭsio ŭ tym ža razburanym stanie, pierad joj staić butelka z užo zasochłymi kvietkami. Z pastamienta tyrčać mietaličnyja švorny.
Pry hetym na piaredniaj častcy łaŭki zafarbavali abraźlivy nadpis, jaki nieviadomyja pakinuli letam 2024 hoda. Tady prapahandysty adkryta vychvalalisia vandalizmam u Kurapatach: razmalavali nie tolki łaŭku, ale i kryžy.
Z Łošyckaha jara źnik kryž achviaram balšavickaha teroru
Dypłamaty krain ES naviedali Kurapaty FOTY
Jak mahła b vyhladać sustreča z paetam Todaram Klaštornym, rasstralanym u 1937 hodzie