Płanšet iPad pastupić u prodaž za miežami ZŠA 28 maja
U Złučanych Štatach jon pradajecca ad 3 krasavika.
07.05.2010 / 16:22
Amierykanskaja kampanija Apple abviaściła pra start mižnarodnych prodažaŭ svajoj navinki — płanšetnaha kampjutara iPad, jaki pastupiŭ u kramy ZŠA 3 krasavika.
U dzieviaci dziaržavach pa‑za miežami Złučanych Štataŭ iPad pačnie pradavacca z 28 maja. U śpisie krainaŭ — Aŭstralija, Vialikabrytanija, Kanada, Francyja, Italija, Niamieččyna, Japonija, Ispanija i Šviejcaryja.
U ZŠA ŭ pieršy dzień pastupleńnia iPad u prodaž było pradadziena 300 000 hetych minijaciurnych płanšetnych noŭtbukaŭ.
Na terytoryi ZŠA cana kamputara vahajecca ad 499 da 829 dalaraŭ — u zaležnaści ad abjomu pamiaci.