Kampanija Apple prezientavała «revalucyjny» sensarny płanšet, jaki vyhladaje jak karcinka z fantastyčnaha filmu. Maleńki tonieńki iPad, jaki možna trymać adnoj levaj rukoj i łazić pa abšarach internetu.
27 studzienia ŭ San‑Francyska prajšła aficyjnaja prezientacyja sensarnaha płanšeta Apple. Havorka idzie pra prystasavańnie z 9,7‑calovym sensarnym TFT LCD dysplejem z padtrymkaj multitouch (1024 ch 768), jaki pracuje na ŭłasnym pracesary Apple — A4, mahutnaściu 1 HHc i iPhone OS 3.2.
Pavodle kiraŭnika kampanii Styva Džobsa, jaki sam prezientavaŭ navinku, hety sensarny płanšet niešta siaredniaje pamiž noŭtbukam i smartfonam
Płanšet padtrymlivaje Bluetooth 2.1, WiFi (802.11n) i 3G (praŭda nie va ŭsich madelach), maje 1,27 sm utoŭšč i važyć usiaho 680 h. Maje taksama aksieleromietr, kompas, dynamik i mikrafon. Abjom ubudavanaj fłeš‑pamiaci — ad 16 da 64 Hb.
Taksama pryvablivajuć abiacanyja 10 hadzin pracy na adnoj padzaradcy i bolš miesiaca ŭ režymie čakańnia.
Z dapamohaj iPad možna budzie čytać, malavać, hladzieć filmy, karystacca internetam, słuchać muzyku. Možna vykarystoŭvać jaho ŭ jakaści čytałki dla knih, jakija nabyvać pryjdziecca ŭ novaj onłajn‑kramie iBooks.
Kaštavać taki cud techniki budzie 499 dalaraŭ za bazavuju madel (16 Hb, z Wi‑Fi, ale biez 3G), 599 i 699 dalaraŭ za 32 i 64 Hb madeli (taksama biez 3G). Płanšety z takoj ža jomistaściu, ale z padtrymkaj 3G, buduć kaštavać 629, 729 i 829 dalaraŭ adpaviedna.
U prodaž u mnohich krainach śvietu iPad z Wi‑Fi pastupić praz 60 dzion, a z 3G praz 90 dzion.
Prapahandystka ANT Natalla Stelmach źmianiła imia na Naci Ryšna i zarablaje ŭ Mieksicy na šamanach i narkatyčnych hrybach50
Kamientary