Міхалка і Вольскага вылучылі на афіцыйную прэмію «Брэнд года»
Журы конкурсу нечакана пашырыла спіс намінаваных на «Брэнд-персону года». Да таго на медаль і ганаровае званне прэтэндавалі толькі спартоўцы і поп-выканаўцы.
За дзень да абвяшчэння вынікаў штогадовага конкурсу «Брэнд года» прафесійнае журы раптоўна пашырыла спіс намінантаў на
«Брэнд-персону 2012».
Да вылучаных раней эстрадных артыстаў (Ларыса Грыбалёва, Анатоль Ярмоленка, Ядвіга Паплаўская ды Аляксандр Ціхановіч) і знакамітых спартоўцаў (Максім Мірны, Вікторыя Азаранка, Аляксандра Герасіменя) дадаліся пісьменнік Андрэй Жвалеўскі, лідар гурта J: Морс Уладзімір Пугач, лідар «Ляпіса Трубяцкога» Сяргей Міхалок ды франтмэн «Крамбамбулі» Лявон Вольскі.
Інфармацыю пра гэта ўскосна пацвердзілі Еўрарадыё некаторыя сябры журы конкурса.
«Брэнд-персона» — галоўная намінацыя конкурса «Брэнд года». У спісе леташніх намінантаў на сайце конкурса«брэнд-персоны» пералічаныя першымі.
Пераможцы будуць абвешчаныя 25 студзеня падчас заключнай цырымоніі конкурсу «Брэнд года 2012», якая пачнецца ў 17:00 у Нацыянальнай бібліятэцы.
«Людзі, я вярнулася ў СССР. Яшчэ і 170 рублёў за гэты кашмар!» Блогерка абурылася начной чаргой у падатковую9
Каментары