У лістападзе розгалас атрымала навіна, што штамп «Уезд у Беларусь забаронены» на выездзе з краіны атрымаў актывіст Нямецка-беларускага таварыства Пэтэр Лізэганг.
Гэта адбылося пасля «Мінскага форуму», сустрэчы нямецкіх і беларускіх экспертаў. Навіна выклікала занепакоенасць адносна свабоды перасоўвання грамадскіх актывістаў з Еўрасаюза, што наладжваюць сувязі між грамадскімі актывістамі з ЕС і Беларусі.
Як аказалася, штамп аб забароне на ўезд Лізэганга быў памылкай. Ён без праблем атрымаў беларускую візу і 30 снежня прыехаў у Беларусь, каб адзначыць Новы год у нашай краіне.
Лізэганг — фрылансер, арганізуе навучанне для журналістаў з Усходняй Еўропы ў Германіі. Раней ён арганізоўваў чарнобыльскія і адукацыйныя праграмы.
Штамп «Уезд у Беларусь забаронены» Лізэганг атрымаў на вылеце.
Лізэганг пабываў у Беларусі першы раз за 6 гадоў. «Мінскі форум» быў праведзены ўпершыню пасля шасцігадовага перапынку, калі нямецкі бок прыпыніў яго падрыхтоўку ў знак пратэсту пасля пагрому апазіцыі ў 2010—2011 гадах.
«Ён ужо дома». Дачка Рыгора Кастусёва расказала пра першую гутарку з бацькам пасля вызвалення1
Каментары