Футбольны клуб «Барселона» выступіў у падтрымку асуджаных каталонскіх палітыкаў, заявіўшы, што «турма — гэта не рашэнне [праблемы]».
FC Barcelona announcement
"Prison is not the solution" pic.twitter.com/o0BWOaThgD
«Урэгуляванне канфлікту ў Каталоніі магчыма толькі шляхам палітычнага дыялогу», - гаворыцца ў заяве клуба ў твітары.
Нагадаем, што сёння стала вядома, што Вярхоўны суд Іспаніі вынес прысуд дзевяці каталонскім лідарам у сувязі з арганізацыяй рэферэндуму аб незалежнасці рэгіёна ў 2017 годзе. Іх прызналі вінаватымі ў мяцяжы і растраце.
Максімальныя 13 гадоў турмы атрымаў былы намеснік кіраўніка ўрада Каталоніі Арыол Жункерас. Яшчэ трое атрымалі па 12 гадоў, адзін — 11,5, двое — па 10,5 і двое — па дзевяць гадоў. Трое абвінавачаных атрымалі па годзе і васьмі месяцаў забароны на пэўны род дзейнасці.
У рашэнні суда падкрэсліваецца, што каталонскія лідары не заклікалі і не ўдзельнічалі ў гвалтоўных спробах аддзялення Каталоніі, але ўсведамлялі, што іх дзеянні могуць прывесці да сутыкненняў.
«Ён ужо дома». Дачка Рыгора Кастусёва расказала пра першую гутарку з бацькам пасля вызвалення1
Каментары