У сераду, 4 жніўня, МАК адкрыў дысцыплінарную справу наконт беларускай лёгкаатлеткі Крысціны Ціманоўскай. Камісія расследавала дзеянні двух членаў беларускай дэлегацыі: прадстаўніка каманды Артура Шумака і галоўнага трэнера лёгкаатлетычнай зборнай Юрыя Маісевіча. У выніку МАК адклікаў акрэдытацыі ў Шумака і Маісевіча, паведамляе Прэсбол.
![](http://nashaniva.com/img/w732d4webp1/photos/z_2021_08/20210804085319-km3tr.jpg.webp)
Юрый Маісевіч
«У інтарэсах дабрабыту спартсменаў НАК Беларусі, якія ўсё яшчэ знаходзяцца ў Токіа, і ў якасці часовай меры МАК пазбавіў акрэдытацый Артура Шумака і Юрыя Маісевіча. Быў пададзены запыт, каб абодва трэнеры неадкладна пакінулі алімпійскую вёску, і яны гэта зрабілі. Ім будзе дадзена магчымасць быць пачутымі», — гаворыцца ў паведамленні прэс-службы МАК.
Каментары