Аўто1717

Не толькі машыны з аб'ёмам рухавіка, большым за 1,9 літра. Якія яшчэ аўто нельга будзе прыганяць у Беларусь

У апублікаваным днямі рэгламенце Еўрасаюза сотні мытных кодаў тавараў, якія нельга пастаўляць у Беларусь. Сярод іх з дзясятак тычыцца транспартных сродкаў. Паглядзелі, якія аўто трапляюць пад забарону на экспарт у Беларусь.

Ілюстрацыйны здымак. Фота: «Наша Ніва»

Саюз адзін, а патрабаванні розныя

Прынамсі пакуль у Польшчы, Літвы і Латвіі дзейнічаюць розныя патрабаванні па афармленні экспарту машын і іншых транспартных сродкаў у Беларусь.

Польшча яшчэ з 23 красавіка не выпускае ў Беларусь любыя аўто з аб'ёмам, большым за 1,9 літра, незалежна ад цаны, года выпуску і іншых параметраў. 

Літва з 4 чэрвеня спачатку поўнасцю спыніла пропуск аўто ў Беларусь узростам да 5 гадоў. Але ўжо бліжэй да сярэдзіны месяца дала зялёнае святло машынам з аб'ёмам да 1,9 літра ва ўзросце да 5 гадоў. Таксама без абмежаванняў ехалі машыны, старэйшыя за 5 гадоў, незалежна ад аб'ёму і тыпу рухавіка.

Па Латвіі інфармацыі вобмаль. Адныя сцвярджаюць, што там такія ж патрабаванні, як і ў Літве. Іншыя кажуць, што праз гэтую краіну дагэтуль выязджаюць падсанкцыйныя ў Расіі аўто.

Ілюстрацыйны здымак. Фота: «Наша Ніва»

Што дакладна нельга

Выглядае, што новы пакет санкцый і падрабязны рэгламент ЕС, прыняты 29 чэрвеня, павінен прынесці яснасць. Але гэта не дакладна.

Адзіны рэгламент Еўрасаюза падрабязна апісвае, якія аўтамабілі забароненыя для экспарту ў Беларусь. У ім з'яўляецца такі новы важны параметр, як вышыня дарожнага прасвету (клірэнс).

Пад забарону трапляюць:

— любыя аўто, даражэйшыя за 50 тысяч еўра;

— аўтамабілі з аб'ёмам рухавіка, большым за 1,9 літра, з клірэнсам, вышэйшым за 165 міліметраў (за выключэннем аўтамабіляў хуткай дапамогі);

— электрамабілі і гібрыды з клірэнсам, вышэйшым за 165 міліметраў.

Якія транспартныя сродкі засталіся «прахаднымі»

Для ўвозу праходзяць па рэгламенце:

— любыя аўтамабілі коштам да 50 тысяч еўра з аб'ёмам рухавіка да 1,9 літра незалежна ад году выпуску і вышыні дарожнага прасвету (клірэнсу);

— аўтамабілі з аб'ёмам рухавіка ад 1,9 літра і з вышынёй дарожнага прасвету (клірэнсу) да 165 мм;

— матацыклы коштам да 5 тысяч еўра.

Што атрымліваецца ў выніку?

З параметраў рэгламенту вынікае, што ў Беларусь больш немагчыма будзе прыгнаць большасць паркетнікаў, уседарожнікаў і мікрааўтобусаў. Усё праз тое, што ўсе яны маюць больш высокі дарожны прасвет, чым дазваляе рэгламент. 

Выключэнне толькі для тых мадыфікацый, дзе ёсць рухавік з аб'ёмам да 1,9 літра, а такіх не так ужо і шмат.

Ілюстрацыйны здымак. Фота: «Наша Ніва»

Сярод папулярных мадэляў з Еўропы гэта: VW Tiguan, Nissan Qashqai, Renault Kadjar, Audi Q3. Са Штатаў — Ford Escape, EcoSport, GMC Terrain, Buick Encore.

Усе іншыя ўседарожнікі — такія, як BMW X3, Х5, Audi Q5, Q7, VW Touareg — прывезці ў Беларусь немагчыма. Прынамсі легальным чынам без схематозаў з дастаўкай праз Турцыю.

Забываемся не толькі на джыпы, але і на мікрааўтобусы

Апроч уседарожнікаў, пад забарону на экспарт трапіў амаль увесь камерцыйны транспарт. Сярод грузавых бусаў, нават пад катэгорыю «В», амаль адсутнічаюць варыянты з аб'ёмам матора, меншым за 1,9 літра. Таму праз патрабаванні па клірансе пад санкцыямі апынуліся амаль усе мікрааўтобусы.

Уседарожнік BMW і мікрааўтобус VW. Аб прыгоне падобных аўто з Еўропы можна забыцца. Фота: «Наша Ніва»

З іншага боку, рэгламент дазваляе экспарт у Беларусь легкавікоў з аб'ёмам рухавіка, большым за 1,9 літра, клірэнсам да 16,5 см і коштам да 50 тысяч еўра ў незалежнасці ад года выпуску. Але санкцыі забараняюць пастаўкі такіх аўто ў Расію, таму тут ёсць нюанс.

Хоць з рэгламенту вынікае, што сітуацыя не такая ўжо і дрэнная і нават крыху лепшая за расійскую, на практыцы ніякіх пазітыўных змен у дачыненні да машын з вялікім аб'ёмам рухавіка можа не адбыцца.

Фармальна ні Польшча, ні Літва не забаранялі экспарт у Беларусь машын з рухавіком, большым за 1,9 літра. Проста для афармлення такіх машын яны пачалі патрабаваць паказаць даведку ад аўтавытворцы, каб быць упэўненымі, што такое аўто не накіроўваецца ў Расію. Атрымаць такі дакумент фактычна немагчыма. 

Таму нельга выключаць, што аўтамабілі з аб'ёмам рухавіка, большым за 1,9 літра, гібрыды і электрамабілі да 5 гадоў так і не будуць выпускаць у Беларусь, паколькі пакупнікі не змогуць паказаць еўрапейскай мытні даведку ад аўтавытворцаў.

Каментары17

  • Беларус
    06.07.2024
    Это точно поможет остановить путина и лукашенко!
  • Купляйце беларускае
    06.07.2024
    Шаноуныя, купляйце беларускае.
  • Ёсік
    06.07.2024
    А адзеньне для дыктатара, гадзіньнікі, лекавыя сродкі, запчасткі для яго майбахаў і аўдзі А8? Ці гэта ўсё па эмзээснай лініі застанецца? Мо лепш будзеце адсочваць усялякіх фанатаў дырэктара саўгаса, якім даецё візы, якія потым у сваім тэлеграме хваляцца, як яны ў вашых краінах адпачываюць.

Банкі зніжаюць прыбытковасць па валютных дэпазітах да 0,1%. Тлумачым матэматыку1

Банкі зніжаюць прыбытковасць па валютных дэпазітах да 0,1%. Тлумачым матэматыку

Усе навіны →
Усе навіны

Арына Сабаленка: Плячо зажыло. На гэтым тыдні я пачынаю гуляць1

Камароўскі рынак ператварыўся ў сапраўднае мора ВІДЭА6

Сілавікі ў Брэсце затрымалі дырэктара кампаніі за ўдзел у пратэстах у жніўні 2020 года

У Мінску з-за патопу закрылі станцыю метро «Парк Чалюскінцаў» ВІДЭА

«У Беларусі маю музыку рэкламавала КДБ, а ў Польшчы — паліцыя». Банцар пракаментаваў сваё затрыманне ў Варшаве9

Літва развярнула на мяжы больш за 20 машын з Беларусі — у тым ліку з грамадзянкай Літвы за рулём5

Мінск сёння пайшоў пад ваду ФОТЫ13

Амерыканец у 14 гадоў стаў самым маладым футбалістам у гісторыі Амерыканскай футбольнай лігі

«Рыхтуюцца да вайны, а генератары не ў стане купіць». Што расказваюць пра сітуацыю ў Мазыры мясцовыя жыхары3

больш чытаных навін
больш лайканых навін

Банкі зніжаюць прыбытковасць па валютных дэпазітах да 0,1%. Тлумачым матэматыку1

Банкі зніжаюць прыбытковасць па валютных дэпазітах да 0,1%. Тлумачым матэматыку

Галоўнае
Усе навіны →