«Пазбаўляюць магчымасці абараняцца. Ужо адразу б нас прыгаварылі. Навошта гэты фарс». Што піша Ціханоўскі маці з турмы
Маці Сяргея Ціханоўскага атрымала 20 кастрычніка ліст ад сына з турмы, у якім ён піша пра адхіленне ягонай адвакаткі Наталлі Мацкевіч, што пазбаўляе яго магчымасці абараняцца ў судзе. Ліст быў напісаны 13 кастрычніка.
![](http://nnexpictures.fra1.digitaloceanspaces.com/img/w732d4webp1/photos/z_2021_10/711bd3ab-a94c-47ce-bc66-7b2038d7dccd_cx25_cy9_cw72_w1023_r1_s-f4ygr.jpg.webp)
Радыё Свабода прыводзіць фрагмент ліста палітвязня.
![](http://nnexpictures.fra1.digitaloceanspaces.com/img/w732d4webp1/photos/z_2021_10/05030000-0a00-0242-2849-08d99526bdc6_w650_r0_s-ghwaa.jpg.webp)
«Прывітанне, мама! Як справы? Даўно тваіх лістоў ужо не бачыў. У мяне ўсё па-старому. Суд ужо хутка закончыцца. Ты ўжо, напэўна, ведаеш, што адхілілі майго адваката Наталлю Мацкевіч, якая ад самага пачатку займалася маёй справай (каля 500 дзён) і павінна была неўзабаве выступіць на спрэчках у судзе і заяўляць доказы ў маю абарону. Але гэта ўжо, напэўна, лічыцца, злачынствам у нас у краіне. Акрамя таго, что суд закрыты і праходзіць у СІЗА, каб ніхто не змог даведацца праўду, то яшчэ і пазбаўляюць мяне магчымасці абараняцца, адхіляючы майго галоўнага абаронцу…
Дык ужо адразу б нас прыгаварылі. Навошта гэты фарс. Каму гэтая бачнасць патрэбна? Ніхто і так ня верыць у гэтыя суды. Беражы здароўе».
![](http://nnexpictures.fra1.digitaloceanspaces.com/img/w732d4webp1/photos/z_2021_10/8e4972f8-1fd8-4f6e-b620-6abb00eabc30_w650_r0_s-k3n8z.jpg.webp)
Суд над Сяргеем Ціханоўскім, Ігарам Лосікам, Міколам Статкевічам, Уладзімірам Цыгановічам, Дзмітрыем Паповым і Арцёмам Сакавым ідзе ў закрытым рэжыме ў будынку гомельскай турмы з 24 чэрвеня. Адвакаты далі падпіску аб невыдаванні, таму пра акалічнасці працэсу нічога не вядома. Усім шасці фігурантам справы пагражае да 12—15 гадоў пазбаўлення волі. Ім інкрымінуюць «масавыя беспарадкі», «распальванне сацыяльнай варожасці» і іншыя цяжкія артыкулы Крымінальнага кодэксу.
Усе фігуранты справы ўжо больш як год у СІЗА.
«Другі раз пазбаўляюць адваката». Бацька Міколы Дзядка расказвае, што адбываецца па справе сына
Ад адвакацкай дзейнасці адхілілі Яўгена Пыльчанку. Віктар Бабарыка застаўся без адвакатаў
-
Сталі вядомыя падрабязнасці трагічнай смерці міністра Аўраменкі. Тут таксама след КДБ
-
У даверанай асобы Лукашэнкі забралі бізнэс пад Гроднам: «На парог выйшаў нейкі мужык і заявіў, што ўпершыню мяне бачыць»
-
Памятаеце, як па Магілёве гуляў табун коней? Цяпер у тым самым двары пасецца статак кароў ВІДЭА
Каментары