З усіх старон
Новы загад бацькі туркмэнаў
Прэзыдэнт Туркмэністану Сапармурат Ніязаў забараніў выкарыстоўваць у краіне фанаграмы на музычных канцэртах, а таксама ў тэлевізійных праграмах. Выкарыстаньне фанаграмы забаронена на ўсіх культурных мерапрыемствах, што ладзяцца ў сувязі зь дзяржаўнымі сьвятамі, перадачах тэлеканалаў Генэральнай дырэкцыі туркмэнскай тэлевізіі, а таксама на ўсіх мерапрыемствах, што ладзяцца ў дзяржаўных, грамадзкіх установах, месцах масавага наведваньня грамадзян, у тым ліку на вясельлях і сямейных урачыстасьцях.
Літва пагражае адказам
Міністар замежных спраў Літвы Антанас Валёніс паабяцаў зрабіць захады ў выпадку, калі Беларусь пачне будаўніцтва на мяжы зь Літвой двух сьвінагадоўчых комплексаў у адказ на ўзьвядзеньне ля Ігналіны сховішча адпрацаванага ядзернага паліва. Паводле Мінсельгасхарчу, два комплексы на 108 тыс. галоў будуць найбуйнейшымі ў Эўропе.
МБ; gazeta.ru