У Бабруйску паставяць помнік Шуру Балаганаву з «Залатога цяля»

У Бабруйску ўвекавечаць героя рамана «Залатое цяля». Бронзавую двухмятровую скульптуру Шуры Балаганава плануюць устанавіць 28 снежня паблізу знака-паказальніка напрамкаў ля рэстарана «Чырвоная вежа».

Тут жа можна будзе прачытаць урывак са знакамітага рамана Ільфа і Пятрова, дзе Бабруйск згаданы як высокакультурны горад, куды імкнуліся ўсе дзеці лейтэнанта Шміта.

Эскіз скульптуры трымаецца ў строгім сакрэце, як і яе цана. Кампазіцыю адлівае ў Смаленску 26-гадовы маскоўскі скульптар Яраслаў Барадзін.

Каментары да артыкула