Канец свету на Акрэсціна: Павел Вінаградаў асуджаны на 5 сутак
Лідар моладзевага крыла «Zмена» кампаніі «Гавары праўду!» Павед Вінаградаў асуджаны сёння судом Першамайскага раёна на 5 сутак адміністрацыйнага арышту.На волю ён выйдзе раніцай 22 снежня. Пра гэта ў сваім акаўнце ў фэйсбуку паведаміў лідар «Гавары праўду» Андрэй Дзмітрыеў.
Нагадаем, што «Zмена» правяла 10 снежня каля Нацыянальнай бібліятэкі чарговую акцыю з серыі «Цацкі пратэстуюць», раніцай 12 снежня Павел быў затрыманы супрацоўнікамі Першамайскага РУУС, але адпушчаны да суда.
Андрэй Дзмітрыеў нагадвае, што гэта дзясяты з пачатку года адміністрацыйны суд над былым палівязнем. Усяго з пачатку года на Акрэсціна Павел правёў 61 дзень, цяпер дадаюцца яшчэ пяць дзён.
Акцыя 10 снежня каля Нацыянальнай бібліятэкі.
- Павел Вінаградаў быў затрыманы 19 снежня 2010 г. 11 студзеня 2011 яму было прад’яўлена абвінавачванне па чч. 1 і 2 арт. 293 КК. Канчатковае абвінавачванне — па ч. 2 арт. 293 і арт. 370 (здзек з дзяржаўных сімвалаў). Знаходзіўся пад вартай у СІЗА № 1 на вул. Валадарскага. 5 мая 2011 г. быў асуджаны па ч. 2 арт. 293 КК да 4 гадоў пазбаўлення волі ў калоніі ўзмоцненага рэжыму. Вызвалены 14 верасня 2011 г. Актыўнай грамадскай дзейнасці не спыніў
Фільм Вольгі Мікалайчык пра Паўла