У Гомелі з'явіўся каталіцкі біскуп
Новы этап у гісторыі Каталіцкай царквы на Гомельшчыне пачаўся 19 снежня. У гэты дзень для пастаяннага служэння ў Гомель прыбыў біскуп-памочнік Пінскай дыяцэзіі Казімір Велікаселец.
Ён будзе адказваць за каардынацыю духоўнага акармлення ў Гомельскай вобласці. Раней пасля адраджэння каталіцкай царквы ў Беларусі свайго біскупа ў Гомелі не было.
Ксёндз-біскуп Казімір будзе пастаянна жыць у спецыяльна адведзеным для яго пакоі парафіяльнага дома гомельскага касцёла.