У Польшчы ахвярамі маразоў сталі 49 чалавек, у Расіі — 56 чалавек
У Польшчы з пачатку снежня 49 чалавек загінулі ад холаду, перадае AgenceFrance-Presse са спасылкай на мясцовую паліцыю.
Часцей за ўсё ахвярамі марозу аказваліся бяздомныя. Паліцыя пачала ў сувязі з гэтым інфармаваць насельніцтва аб тым, дзе пры неабходнасці можна пагрэцца і атрымаць гарачую ежу.
У Расііз-за моцных маразоў у гэтым годзе памерлі ўжо 56 чалавек. Яшчэ 722 чалавекі пацярпелі ад абмаражэнняў.
Самая нізкая тэмпература была зафіксавана ў Сібіры, дзе слупкі тэрмометраў апусціліся да -50 градусаў.
Раней ўкраінскае міністэрства аховы здароўя таксама паведамляла, што ва Украіне моцныя халады сталі прычынай смерці 37 чалавек.