У чацвер — моцны снег
У бліжэйшыя суткі, 10 студзеня, будзе воблачна, ноччу з праясненнямі.Ноччу ў асобных раёнах краіны пройдзе невялікі снег. Днём на большай частцы тэрыторыі таксама чакаецца снег, месцамі завіруха і моцны снег.
На дарогах месцамі галалёдзіца, у дзённы час снежныя заносы. Вецер паўднёвы 5-10 метраў у секунду з парывамі да 14 метраў у секунду.Па заходняй частцы Беларусі сіноптыкі прагназуюць мокры снег, у асобных раёнах наліпанне мокрага снегу і слабы галалёд.
Тэмпература паветра ўначы будзе ад 5 да 12 градусаў марозу, на ўсходзе краіны да мінус 13-16. Днём чакаецца ад нуля градусаў у заходніх раёнах да мінус 10 на ўсходзе краіны.