У Магілёве апраўданы абвінавачаны ў пастаўцы буйной партыі гераіну
Яго вінавацілі ў тым, што па тэлефоне кіраваў перавозкай партыі, якой бы хапіла на два мільёны доз. Але 11 гадоў далі толькі кур’еру.
Гэта гісторыя стала вядома ў верасні 2010 года. Пад Дуброўнам, на пункце спагнання мытных пошлін «Рэдзькі» спынілі і праверылі «Опель Астру».Машына ехала з Расіі. Кіроўцу «распрацоўвалі» паўгода.
У бакавых панэлях задняга пасажырскага сядзення знайшлі…блізу 200 цыбулін.Аказалася, што гэта ― замаскіраваны гераін: парашок запаялі ў поліэтыленавыя шарыкі і абляпілі цыбулевым шалупіннем, была нават карнявая сістэма.
Перавозілася рэкордная для Беларусі партыя ― каля 28 кілаграм найчысцейшага гераіну.
Крымінальную справу распачалі па артыкуле «Незаконны абарот наркатычных сродкаў у буйных памерах у складзе арганізаванай групы».
Разбіраліся з акалічнасцямі крымінальнай справы блізу двух гадоў. Абвінавачванне высунулі двум грамадзянам Беларусі. Зразумела, што кур’еру Г., які перавозіў гераін у «Опелі», было не адкруціцца.
Але асаблівая ўвага была на іншым фігуранце ― Ю. Ён, па версіі следства, кіраваў перапраўкай наркотыкаў па тэлефоне.Што праўда, з мэтай канспірацыі, цыбуліны з гераінам называлі словамі «рэч», «тавар» і гэтак далей. На думку следчых органаў, яны ўваходзілі ў транснацыянальную групоўку, якая займаецца дастаўкай гераіну з Сярэдняй Азіі ў Еўропу. Некаторыя іншыя ўдзельнікі гэтай групоўкі цяпер чакаюць судоў у Расіі.
Затрыманне наркабарона ў Беларусі магло зрабіць рэальны ўдар па іншых буйных наркагандлярах.Але і з імі не так проста разабрацца: у нарказвароце круцяцца дзясяткі мільёнаў долараў, магчыма, ёсць сувязі і
Вердыкт па гучнай справе быў вынесены судом Кастрычніцкага раёна Магілёва перад Новым годам.
«Г. асуджаны па артыкуле 328 частка 3. Пакаранне ― 11 гадоў пазбаўлення волі ў папраўчай калоніі ўзмоцненага рэжыму. Ю. прызнаны невінаватым за недаказанасцю яго удзелу ў здзяйсненні злачынстваў, ― паведамляе суддзя Раман Касцюк.― Пакуль больш падрабязна я вам нічога не магу сказаць. Прысуд абскарджаны абвінавачаным Г. і апратэставаны пракуратурай
«Вынесены касацыйны пратэст на прысуд. Ён будзе разглядацца ў абласным судзе», ― кажа начальнік аддзела пракуратуры Магілёўскай вобласці Людміла Шурпіна.
У чым менавіта пракуратура не згодная з прысудам?
Людміла Шурпіна: «Толькі калі справа будзе разгледжаная ў судзе, прысуд набудзе законную моц. Толькі тады можна будзе даваць нейкія ацэнкі».