У Бярозаўскім раёне патануў 38-гадовы дайвер
Як паведаміў начальнік Бярозаўскага раённага аддзела Следчага камітэта Аляксандр Панасевіч, няшчасны выпадак адбыўся, а першай гадзіне ночы 12 студзеня на канале Бярозаўскай ДРЭС недалёка ад Белаазёрска. Двое мужчын прыехалі сюды з Брэста для заняткаў дайвінгам.
Пасля падводнага плавання адзін з аквалангістаў выйшаў на бераг і, не знайшоўшы там напарніка, нейкі час чакаў яго каля вадаёма. Потым беспаспяхова спрабаваў знайсці яго ў вадзе. Пасля таго як пошукі нічога не далі, пазваніў у міліцыю.
Цела загінулага дасталі з вады 12 студзеня каля 14.00. Папярэдняя прычына смерці — утапленне.
Усе акалічнасці здарэння ўстанаўлівае падчас праверкі Бярозаўскі раённы аддзел Следчага камітэта.