Азаранка пераможна стартавала на Australian Open

Першая ракетка планеты беларуска Вікторыя Азаранка з перамогі пачала выступленні на першым у гэтым сезоне турніры серыі «Вялікага шлема» — адкрытым чэмпіянаце Аўстраліі па тэнісу (прызавы фонд — $31 млн.).

Сёння на кортах «Мельбурн-парку» ў паядынку першага раўнда Вікторыя за 1 гадзіну 27 хвіліны ўпэўнена перайграла румынскую тэнісістку Моніку Нікулеску (49-ы нумар сусветнага рэйтынгу) — 6:1, 6:4. Гэта пятая перамога беларускі над румынкай у пяці вочных сустрэчах.

У наступным раўндзе Вікторыя Азаранка згуляе з пераможцам матча паміж Елені Даніліду (Грэцыя, № 94) і чэшкай Каралінай Плішкавай (№ 119). Год таму Вікторыя Азаранка ў Мельбурне ўпершыню выйграла турнір серыі «Вялікага шлема», што дало магчымасць ёй упершыню заняць першае месца ў сусветным рэйтынгу.

Каментары да артыкула