У Брэсце тралейбус ледзь не вырваў з зямлі слуп - фоты
Здарэнне адбылося днём 3 лютага на вуліцы Маскоўскай.
Як паведамляе партал "Віртуальны Брэст", з тралейбуснай лініі зляцела токаводная мачта і заблыталася ў апорным тросе. У выніку аварыі асвятляльная апора сагнулася над праезнай часткай.
Паводле інфармацыі відавочцаў, ніхто не пацярпеў. Рух тралейбусаў на гэтым участку цалкам спынены. Правады часткова парваліся аж да скрыжавання з вуліцай Савецкай Канстытуцыі.
Цэлую ноч вяліся рамонтныя работы. Прычыны, чаму апоры аказалася такая хісткая, пакуль не паведамляюцца.