Выйшаў «Рабкор Live» — дакументальны фільм пра «Ляпісаў»
+фільм
Сорак хвілін пра найбуйнешы тур гурту.
У інтэрнэце з’явіўся дакументальны фільм «Рабкор Live», які расказвае пра апошні тур «Ляпіса Трубяцкога». Тур «Рабкор» стаў для гурту звышпрадуктыўным — аншлагавыя канцэрты па СНД, таямнічы альбом (яго можна было набыць на канцэртах), а вось цяпер яшчэ і фільм.
Што праўда, у фільме больш канцэрта, чім сюжэту. Затое канцэртная праграма запісаная з выдатным гукам і відэашэрагам.
Гукавая дарожка для фільма запісвалася на віленскім канцэрце, у той час як відэа здымалі ў Вільні, Кактэбелі, Маскве, Кіеве і Піцеры, дзе «Ляпісы» пабывалі з сваім «Рабкорам».