На знакамітай карціне Дэлакруа напэцкалі маркерам
Адна з самых знакамітых карцін Францыі — «Свабода на барыкадах» Эжэна Дэлакруа — падверглася вандалізму ў адным з будынкаў Луўра ў горадзе Ланс на поўначы краіны.
Паліцыя затрымала жанчыну, якую падазраюць у тым, што яна нанесла на палатно надпіс пры дапамозе чорнага маркера. Пракурор хадайнічае аб накіраванні жанчыны на псіхіятрычную экспертызу.
Карціна, на якой на чале паўстання адлюстраваная жанчына з аголенымі грудзьмі, прысвечана падзеям Ліпеньскай рэвалюцыі 1830 года.
Па словах экспертаў, шкоду, нанесеную карціне, будзе лёгка выправіць.