Чавэс вярнуўся ў Венесуэлу
Венесуэльскі лідар Уга Чавэс пасля чарговай аперацыі па выдаленні ракавай пухліны вяртаецца з Кубы ў Венесуэлу. Паведамленне пра гэта з’явілася ў мікраблогу прэзідэнта ў Twitter.
«Мы зноў прыбылі на радзіму ў Венесуэлу. Дзякуй Богу, дзякуй любімаму народу. Лячэнне працягнецца тут», — гаворыцца ў паведамленні.
Заява Чавэса з’явілася праз тры дні пасля таго, як урад Венесуэлы апублікаваў яго першыя фатаграфіі пасля аперацыі.