Большая частка Пакістана засталася без святла
Масавае адключэнне электраэнергіі адбылося ў Пакістане. У ноч на панядзелак у цемры на некалькі гадзін засталася большая частка краіны.
Збой у працы электрастанцыі ў Белуджыстане пацягнуў за сабой цэлую чараду адключэнняў, у тым ліку ў гарадах Ісламабад, Лахор і Пешавар.
Перабоі з электраэнергіяй адбываюцца ў Пакістане часта з-за недастатковага фінансавання гэтай галіны, аднак агульнанацыянальныя адключэнні здараюцца рэдка.