Следства па справе Данькова працягнута да 22 мая
Тэрмін следства па справе ўладальніка Dankoff Club Юрыя Данькова працягнуты да 22 мая.Аб гэтым паведаміў БелаПАН афіцыйны прадстаўнік УСК па Мінску Аляксандр Герасімаў.
З працягам тэрміну ўтрымання пад вартай Данькова пракуратура пакуль не вызначылася. На гэта ў яе ёсць каля 10 дзён.
***
- Юрый Данькоў быў затрыманы 4 верасня 2012 года. У гэты дзень у Dankoff Club правялі вобыск і іншыя следчыя дзеянні ў рамках крымінальнай справы, распачатай у канцы жніўня Следчым камітэтам у дачыненні да мастацкага кіраўніка і адміністратара ТАА Dankoff Club. Яны падазраюцца ў тым, што з 2006 года давалі памяшканні ў клубе для заняцця прастытуцыяй. Дзеянні службовых асоб кваліфікаваныя па ч. 2 арт. 171 КК. Мастакі кіраўнік Dankoff Club затрыманы.
- 7 верасня Юрыю Данькову было прад'яўлена абвінавачанне ва ўчыненні злачынства, прадугледжанага ч. 2 арт. 171 КК (выкарыстанне заняцця прастытуцыяй або стварэнне ўмоў для заняцця прастытуцыяй, учыненыя службовай асобай з выкарыстаннем сваіх службовых паўнамоцтваў).