БЕЛ Ł РУС

Украінская апазіцыя абвясціла «усенародную мабілізацыю» праціўнікаў Януковіча

9.03.2013 / 18:30

Усенародную мабілізацыю супраць дзейнай улады абвясцілі прадстаўнікі апазіцыйных партый падчас ушанавання памяці Тараса Шаўчэнкі ў Кіеве.

Блакавання парламента мала, заявіў на мітынгу старшыня фракцыі «Бацькаўшчына» ў Вярхоўнай Радзе Арсень Яцанюк: «З наступнага тыдня апазіцыя накіроўваецца ў агульнанацыянальны тур праводзіць Усеўкраінскае веча, звяртацца да людзей і падымаць людзей».

Гэтую ж думку выказалі прадстаўнікі партыяў «УДАР» і «Свабода», якія прысутнічалі на мітынгу.

Па словах лідара «Свабоды» Алега Цягнібока, сёння апазіцыя адзіная й гатовая да барацьбы і ў Вярхоўнай Радзе, і на вуліцы.

Ушанаваць памяць Шаўчэнкі і ўскласці кветкі да яго манумента прыйшлі таксама прадстаўнікі іншых палітычных сіл. З адозвай з нагоды 199-годдзя Кабзара выступіла палітвязень Юлія Цімашэнка.

Чытайце таксама:

Каментары да артыкула