Дом у цэнтры Мінска застаўся без ацяплення
Дом № 8 па вуліцы Казлова ў Мінску вечарам 11 сакавіка застаўся без ацяплення. Зараз аварыйная служба Партызанскага раёна, куды звярнуліся жыхары дома, разбіраецца ў сітуацыі.
Прычына адключэння ацяплення пакуль невядомая. Між іншым, паводле звестак гідраметэацэнтра, вонкавая тэмпература паветра апусцілася ніжэй за шэсць градусаў марозу.
Дом № 8 па вул. Казлова знаходзіцца ў зоне адказнасці ЖЭС № 12.