Расея патрабуе «Гродна Азот» і МАЗ за кантрабанду растваральнікаў
Масква разлічвае атрымаць беларускія прадпрыемствы ў якасці кампенсацыі за страты расейскага бюджэту ад рээкспарту нафты праз Беларусь пад выглядам растваральнікаў. Пра гэта заявіла агенцтву «Інтэрфакс» крыніца, знаёмая з ходам перамоваў наконт стварэння сумесных прадпрыемстваў на базе МАЗа і «Гродна Азота».
Адзначаецца, што расейцы не чакаюць, што рашэнне ў гэтым пытанні будзе прынятае на сустрэчы так званай Вышэйшай дзяржаўнай рады саюзнай дзяржавы ў Пецярбурзе ў пятніцу.
«Расея ў выніку праблемы з растваральнікамі панесла істотную шкоду. Расейскі бок разумее, што грошай ад Беларусі ён не атрымае, таму гаворка ідзе пра тое, каб беларускі бок стаў больш падатлівым у перамовах па стварэнні сумесных прадпрыемстваў», — сказаў суразмоўца «Інтэрфакса».
11 сакавіка першы
Між тым менавіта гэтае пытанне, імаверна, было галоўным на перамовах. У снежні 2012 года Беларусь і Расія толькі ўзгаднілі баланс паставак нафты ў Беларусь на I квартал.
Спрэчка ўзнікла пасля таго як Расія выявіла кантрабанду нафту з Расіі пад выглядам растваральнікаў у 2011–2012 гадах. Мінск аспрэчваў факт кантрабанды.
Беларусь цалкам залежыць ад паставак нафты й газу з Расіі як для ўнутраных патрэбаў, так і для перапрацоўкі на экспарт. Даходы ад экспарту нафтапрадуктаў, вырабленых з расійскай нафты, — галоўная крыніца валюты для Беларусі.У адрозненне ад Літвы, Польшчы і Украіны, за 20 гадоў незалежнасці Беларусь не дыверсіфікавала крыніц паставак энэрганосьбітаў.
{POLL#24}