Рада ЕЭК прыняла рашэнне павысіць пошліны на ВК-тэлевізары
Рада Еўразійскай эканамічнай камісіі прыняла рашэнне аб уніфікацыі ставак увазных мытных пошлін наВК-тэлевізары з відэазапісвальнай і відэаўзнаўляльнай апаратурай або без яе на ўзроўні 16% ад мытнага кошту, паведамілапрэс-служба ЕЭК.
«Сёння вытворчыя магутнасці вытворцаў тэлевізійнай апаратуры Мытнага саюза загружаны прыкладна на 60%. Увядзенне гэтай меры скіравана на стымуляванне росту такой вытворчасці на тэрыторыі Мытнага саюза і павышэнне канкурэнтаздольнасці адносна тавараў замежнай вытворчасці, — пракаментаваў міністр па гандлі ЕЭК Андрэй Сляпнёў. — Паколькі гэтыя тавары маюць падобныя тэхнічныя характарыстыкі, то каб пазбегнуць рызык недакладнага дэкларавання, прынята рашэнне ўстанавіць роўныя памеры ставак увазных мытных пошлін адносна тэлевізараў, якія ўключаюць і не ўключаюць відэазапісвальную і відэаўзнаўляльную апаратуру».
Рашэнне набывае моц пасля заканчэння 30 каляндарных дзён з даты яго афіцыйнага апублікавання.
Зараз увазныя пошліны на тэлевізары з відэаапаратурай складаюць 10%, на тэлевізары без яе — 15% ад кошту.